காலத்தின் விளையாட்டு ஆரம்பம் இப்போது
கோலமிட்டுப் பார்க்க ஊழ்வந்து சேர்ந்தது
புரிந்தே எழுதிய நானும் இப்போது
புரியாத புதிராய் உணர்ந்தேன் மனதில்
அமைதிப்பூங்கா போர்க்களமாய் மாறிப் போனது
அழிவுப் பாதைக்கு வழியோ நானறியேன்
குற்றம் யார்மீதோ பிணக்குழிகள் பிழைத்தன
குரல்வளைகள் நசுக்கவும் கூக்குரல்கள் ஓலமாகவும்
யாரிடம் நான்சொல்வேன் எவருக்கும் செவியில்லை
ஓரிடம் உண்டு அனைவர்க்கும் இறுதியென்று
தர்மம் என்றும் வெல்லும் உறுதியாக
தளராமல் இருப்பாய் நெஞ்சே காலம்மாறும்
கருத்துகள் இல்லை:
கருத்துரையிடுக