வாழ்ந்திடும் காதல்

ஆதிமுதல் வந்த காதல் ஆனந்தமானது

போதிமரம் தந்த ஞானம் போற்றுதற்குரியது

கருவறை தொடங்கி கல்லறை முடியும்

பருவத்தில் தொடங்கி முதுமையில் நிறைவுறும்

அன்பின் முகிழ்வே காதலாய் மாறும்

அணைப்பு முத்தம் ஆசைகள் காமம்

பிணைப்பது காதலின் வரவும் வளர்ச்சியும்

தினமொன்று வேண்டுமா என்றும் காதல்தானே

மனதினில் தோன்றி உணர்வினில் கலந்திடும்

குழந்தையில் தொடங்கி குமரி வரையிலும்

குடிகொண்ட காதல் குவலயம் முழுதும்

மென்மையாய் இழையோடும் இதயம் புகுந்திடும்

மெல்லமெல்ல மனதை உருக்கும் மாற்றிடும்

அன்னையின் பாசம் மனைவியின் நேசம்

அண்ணன் தங்கை உறவினர் நண்யர்

எவரினும் உறைந்த அன்பின் நிறைவே

என்றென்றும் வாழ்ந்திடும் காதல் என்பதாம்