என்றாவது ஒருநாள் மாறிடுமா சமுதாயம்
எண்ணியே நாட்கள் பலநூறு கடந்தன
ஏனிந்த சகிப்பின்மை பொறாமை ஒவ்வாமை
ஏனோ பகைமை பழிநோக்கம் புரியவில்லை
இறைவன் படைப்பினில் தவறென்று கொள்வதா
இல்லையில்லை இவர்தம் வளர்ப்பில் தவறா
தூய்மைப் படுத்த கருவியொன்று உண்டா
தாய்மை உணர்வைத் தழுவினாலே போதுமன்றோ
சகோதரம் சமாதானம் இரக்கம் அன்பு
சமத்துவம் சகிப்பு பொறுமை கருணை
நற்குணங்கள் நம்மிடையே மறைந்து போனதா
பொற்காலம் ஒன்று மீண்டும் வருமா
யாதும் ஊரே யாவரும் கேளிர்
இதுவே வேதமாய் ஒலிக்குமா எங்கெங்கும் ?
கருத்துகள் இல்லை:
கருத்துரையிடுக