குடியரசு தினம் கொண்டாடி மகிழ்வோம்
குடிமக்கள் நலமொன்றே மனதினில் கொள்வோம்
கத்தியின்றி இரத்தமின்றி வந்ததில்லை மக்களாட்சி
புத்திகெட்ட ஆட்சியரை வீழ்த்த தியாகம்பல
ஈட்டிய சுதந்திரம் குடியாட்சி உருவானது
ஊட்டிய நல்லுணர்வு ஏனோ மறைந்தது
திரும்பும் திசையெங்கும் வசைபாடும் நாடகம்
கருப்பு நாட்களாய் பேதமை வார்த்தைகள்
பொறுப்பற்ற சமுதாயம் மீண்டும் தோன்றுமோ
வெறுப்பான சிந்தனை வேரூன்றி விடுமோ
வேதனை மனதில் வேள்வித் தீயாய்
வேண்டாமே இன்னொரு சுதந்திரப் போரொன்று
சமத்துவம் சகோதரம் சகிப்பு சமாதானம்
சாத்தியமே சகோதரரே சிந்திப்பீர் செயல்படுவீர் !
கருத்துகள் இல்லை:
கருத்துரையிடுக