அகில உலக மக்களையும் கேட்கிறேன்
அடுத்த நாளே உலகம் அழியுமாயின்
மதம்நாடு பதவி வருமா உங்களோடு
மனித சாதியரே அடங்கவே மாட்டீரா
அழிவதைத் தவிர உமக்கு வழியில்லையா
அகங்காரம் உம்பேச்சில் என்றென்றும் ஓயாதா
அணுவைத் துளைத்த சக்தி அழிவிற்கா
அனைத்தும் அழித்துவிடு நீயும் அழிந்துவிடு
புதியதாய் உயிரினம் பிறக்கட்டும் உலகில்
புல்பூண்டு முதல் புழுபூச்சி வரையில்
மனிதஇனம் மட்டும் மீண்டும் வேண்டாம்
மடையர்கள் படித்தும் புத்தியில்லை புரிதலில்லை
ஆயிரம் ஆண்டுகள் இவ்வுலகில் இருப்பதாய்
அடுக்கடுக்காய் விவாதங்கள் மிரட்டல்கள் சண்டைகள்
பூவுலகு பூலோகம் பூமித்தாய் பெயரளவில்
பொறுப்பற்ற மனிதர்கள் தேசமெங்கும் கண்டம்தோறும்
வேதனைதான் வாழ்வதிங்கே உயிர்க்கொல்லி மிருகங்கள்
வேண்டாம் இன்னொரு பிறவி இவ்வுலகில் !
கருத்துகள் இல்லை:
கருத்துரையிடுக