ஏட்டுக் கல்வி

வேண்டுவது உன்னிடம் ஒன்றுண்டு இறைவா

வேற்றுமை அற்ற உள்ளம் எம்மில்

கூற்றுவன் அழைப்பினில் கூடுதுறக்கும் உயிரது

கூறுகள் போட்டு சண்டையிடல் ஏனோ

சாத்திரம் படித்தும் சாடுதல் முறையோ

கோத்திரம் பலவும் தோன்றியது யாராலே

ஏட்டுக் கல்வி பரணில் பதுங்கிற்று

மேட்டுக் குடியோ மேதைகள் சபையோ

பேதமை பேசியே காலங்கள் போக்கின

வாதங்கள் வர்ணங்கள் பூசிய வேதனை

மானிடம் மரித்து மிருகம் பிறந்தது

ஏனிந்த மாற்றம் ஏற்றத் தாழ்வு

ஒற்றுமை என்றொரு சொல்லும் உண்டு

கற்றுணர் மனிதா கடவுள் ஒருவனே !