ஏனிந்த வேற்றுமை

 மேகம் கறுத்து வானம் இருளுது

காகம் கரைந்து மரமதில் மறையுது

வேகம் எடுத்து மிதிவண்டி ஓடுது

தாகம் தீர்க்க தண்ணீர் தேடுது

ராகம் பாடிய தொண்டை வறண்டு

சோகம் சாலையோர மக்கள் மனதில்

வேகும் வெயிலும் சுட்டது போனது

போகுமா இந்த வாழ்க்கை கேள்வியே

பருவம் மாறுது புதியன தோன்றுது

உருவம் மாறுது உயர வளருது

வறுமை மட்டுமே மாறாமல் உள்ளது

பொறுமை காத்தே வாழ்வும் ஓடுது

உயர்வு தாழ்வு சேர்ந்தே உள்ளது

உயரப் பறக்க உள்ளம் நினைத்தது

மனித வாழ்க்கை விசித்திரம் ஆனது

ஏனிந்த வேற்றுமை கேள்வி தொடருது