காலைப் பனி புல் நுனி நிற்க
வாலைக் குமரி வைகறை குளிர் நீராடி
தலை தனில் வெண் துண்டோடு வந்து
வலைந்த கோடுகளில் வகை வகையாய் கோலமிட்டு
நடுவே சாணக் குவியலில் பூசணிப் பூவிட்டு
தெரு எங்கும் விழாக் கோலம் விடியலில்
தெற்கே கோயில் வாசலில் பஜனை பாடுவோர்
குளிரின் தாக்கம் மிகுந்த நாளில் புகைபோல்
குளக் கரை நோக்கி துணியைச் சுமந்து
பெண்டிர் கூட்டம் நகையாடி நடந்து செல்ல
பெரிதாய் சத்தமுடன் தூரத்து ஒலி பெருக்கி
மார்கழி பிறந்ததை கட்டியம் கூறிப் பாட
ஊரெங்கும் மகிழ்வாய் காட்சி விரிந்து சிறந்தது
கருத்துகள் இல்லை:
கருத்துரையிடுக