கற்பனை உலகம் ஒன்றை நான் படைத்தேன்
சுற்றிய திசைகள் யாவும் பசுமைப் போர்வையே
வான ஊர்திகள் வலம் வரக் காண்கிறேன்
கானக எல்லை ஒவ்வொரு ஊரிலும் அழகாய்
காற்று மாசற்று நதிகள் ஊடாக படகுகள்
ஆயுதம் எதுவும் தேவை இல்லை அமைதியே
ஆலயம் அவரவர் விருப்ப வடிவில் ஆங்கே
தடைகள் அற்ற பயணம் தரவுகள் தேவையற்று
படைகள் என்பதே கற்பனை ஓவியம் போன்றே
எதையும் எவரும் கொணர ஒருவகை நாணயம்
எங்கும் வளமாய் வறுமை என்பதே இல்லை
செல்வம் சமமாய் ஏற்றத் தாழ்வு அற்றே
செழித்த நிலங்கள் சேமிப்புக் கிடங்குகள் பலவும்
வேற்றுக் கிரகம் செல்ல விரைவு ஊர்திகள்
வேற்றுமை அற்ற மனிதர் கற்றவர் அனைவரும்
பிறப்பு இறப்பு சரிவிகிதம் பிணிகள் குறைவாய்
இறகை விரித்து வானில் பறந்து செல்லப் பாதைகள்
இத்தனை போதுமா இன்னமும் வேண்டுமா ஆராய
இயக்கம் ஒன்று நகருக்கு வெளியே உண்டு
சாத்தியம் ஆகுமெனில் இவையே சமுதாய நலமே
சாதிகள் சண்டைகள் மறைந்தே கனவாய் போகும்
கருத்துகள் இல்லை:
கருத்துரையிடுக