மலை முகட்டில் கதிரவன் எட்டிப் பார்க்கிறான்
வலை போட்ட மீனவன் மீனுக்காய் காக்கிறான்
சிலை ஒன்று கையுர்த்தி ஏதோ சொல்கிறது
தலை மீது கஞ்சிக் கலயம் சுமந்து
காலை துவக்கம் கிராமத்துக் காட்சி இதுவே
வரிசையாய் நாற்று நட்ட பெண்டிர் சேற்றில்
பூட்டிய காளைகளை விரட்டி வந்தான் மற்றவன்
சாட்டையால் அடித்த படி ஏர் உழுதான்
களத்து மேட்டிலே நெல்லைத் துழாவி ஒருத்தி
குளத்து ஓரத்தே துணி துவைத்த மற்றவள்
கிணற்றிலே கோட்டை கட்டிய சிறுவர் கூட்டம்
மணலிலே கோயில் கட்டிய சிறுமியர் சிரிப்பு
அள்ளித் தெளித்து சாண நீர் வாசலில்
புள்ளிக் கோலமிட்டு வண்ணம் தீட்டிய மகளிர்
மெதுவாக விரிந்த காட்சி மனதில் ஓவியமாய்
மெல்லத் துவங்கிய நாளின் இனிய தோற்றம்
கருத்துகள் இல்லை:
கருத்துரையிடுக