வந்தது போனது வாழ்ந்தது காதல்
வசந்தம் வாழ்விலே சேர்த்தது காதல்
வாலிபம் வயோதிகம் கடந்தது காதல்
வாலைக் குமரி வயதினில் காதல்
வளர்ந்து முதிர்ந்து மூத்த காதல்
அழியாத முதல் மரியாதைக் காதல்
காவியம் பாடிடும் அன்றைய காதல்
கம்பனும் கண்ணதாசனும் பாடிய காதல்
கண்ணனும் கந்தனும் கொண்ட காதல்
என்னிலும் உன்னிலும் என்றுமே காதல்
எழுத்திலே உருண்டோடும் கவிதைக் காதல்
கண்ணிலே கனவிலே உறைந்திடும் காதல்
எண்ணப் பறவை சிறகடிக்கும் காதல்
மனிதம் வாழும் காதலும் வாழும்
மனங்கள் சுமந்து பறந்து செல்லும்
மறையாது என்றும் மறைந்தே இருக்கும்
உருகும் உளரும் உவகை கொள்ளும்
கருவில் உருவாகி இறுதிவரை தொடரும்
கருத்துகள் இல்லை:
கருத்துரையிடுக