இறைவனின் கொடை

 எங்கும் இன்பம் எதிலும் இன்பம்

பொங்கும் கடலும் கொட்டும் மழையும்

கதிரவன் வரவும் நிலவின் ஒளியும்

கருக்கல் பனியும் ஓடும் ஆறும்

பசுமை வயலும் அடர்ந்த காடும்

படர்ந்த புல்லும் பாயும் அருவியும்

கருமேகக் கூட்டமும் வானத் தாரகையும்

உருண்டோடும் ஓடையும் உயர்ந்த மலையும்

கண்ணுக்கு அழகாய் எத்தனை இன்பம்

விண்ணிலும் மண்ணிலும் கொட்டிக் கிடக்கும்

கற்பனைத் தோற்றம் கண்ணில் தோன்றும்

கவிதை பிறக்கும் காவியம் படைக்கும்

இயற்கை என்பது இறைவனின் கொடையாய்

இறைந்து சிதறி இன்பம் ஊட்டும்