என்றும் அமைதி வாழ்வில் வேண்டும்
எண்ணிய நல்லவை ஆதல் வேண்டும்
சொல்லிய சொல்லில் இனிமை வேண்டும்
கல்வியைப் போற்றி பயின்றிட வேண்டும்
வறியவர் வறுமை போக்கிட வேண்டும்
தூயநட்பை எந்நாளும் பேணிட வேண்டும்
காயங்கள் மனதில் களைந்திட வேண்டும்
ஊருக்கு நல்லதோர் தலைவர் வேண்டும்
ஊதாரித் தனத்தை ஒழித்திட வேண்டும்
அன்பான வார்த்தைகள் சொற்களில் வேண்டும்
அன்னையின் அன்பில் திளைத்திட வேண்டும்
கண்ணுக்கு இனிய காட்சிகள் வேண்டும்
கற்பனைத் திறனில் கவிதைகள் வேண்டும்
இனிய தமிழ் என்னோடு வேண்டும்
கனிவாய் பேசியே மகிழ்தல் வேண்டும்
கருணை காதல் இரக்கம் வேண்டும்
கடவுள் இயற்கை இரண்டும் வேண்டும்
கருத்துகள் இல்லை:
கருத்துரையிடுக