புறப்படு இளைஞா புறப்படு
புதியதோர் பாரதம் காணப் புறப்படு
முதியவர் வேண்டாம் புதியவன் நீ புறப்படு
சமுதாயச் சாக்கடை அடைப்பை உடைத்திடு
சாதிமத பேதங்கள் தீயிட்டுக் கொளுத்து
மேலிருந்து அல்ல கீழிருந்து தொடங்கு
உழவுக்கு உறுதுணையாய் நில்
ஊருணி நீர் ஆறுகுளம் ஏரி ஆழப்படுத்து
சாலைகள் சமன் செய் மரங்கள் அருகே நடு
மாநிலமெங்கும் தலைவனாய் நீயே ஆகு
வறுமையை ஒழித்து வளம் பெறச்செய்
எல்லோரும் உழைக்கச்செய் இலவசம் ஏதுமின்றி
இருக்க இருப்பிடம் கல்வி மருத்துவம் அனைவர்க்கும்
சமமாய் கிடைத்திட வகை செய்
குற்றங்கள் செய்வோர்க்கு கடும் தண்டனை உடனுக்குடன்
ஊழல் களைந்துவிடு உழைப்புக்கு ஊதியம்
அனைத்துத் துறையும் அதிவேக முன்னேற்றம்
ஏழை பணக்காரன் பேதமின்றி யாவரும் சமமாய்
சாட்டையை எடு சுழற்றிடு இன்றே புறப்படு !
கருத்துகள் இல்லை:
கருத்துரையிடுக