அண்ட பிரமாண்ட வானில் ஆயிரமாயிரம் மின்மினிகள்
சண்ட மாருதம் இடியோசை மின்னல் ஒளிக்கீற்று
அகண்ட வான்வெளி எல்லை அற்று விரிந்து
அத்தனை கோள்கள் அதிசய விண் கற்கள்
கணக்கில் அடங்கா வட்டப் பாதையில் வலம்வரும்
கருப்பு ஓட்டை பாலின் பாதை என்று
கண்ணுக்குத் தெரியா பலவித மாய வலைகள்
சிறுபுள்ளி பூமியின் உருவமாய் காணாமல் போகுது
சிந்தனைக் கெட்டாத. அதிசய ஆளுமைகள் பலவும்
விண்வெளிக் கப்பலில் விந்தை மனிதர்கள் என்பதும்
கண்டதாய் சிலரும் கற்பனை என்பதாய் சிலரும்
புரியாத புதிராக அறிவுக்கு எட்டாத அதிசயமாய்
விரிந்து பரந்து சூன்யம் போன்றே தோற்றம்
கருத்துகள் இல்லை:
கருத்துரையிடுக