என்நாட்டு மக்கள் நலம் பெறப் பாடினேன்
எந்தையும் தாயும் சுகம் பெறப் பாடினேன்
பெற்ற மகவும் சிறப்பு உறப் பாடினேன்
கற்றவர் சபையில் உயர்ந்து ஓங்கிடப் பாடினேன்
வறியவர் அற்ற சமுதாயம் வேண்டிப் பாடினேன்
மதங்கள் சாதிகள் ஒழிந்து அழிந்திடப் பாடினேன்
வேதனை வாழ்வில் மறைந்தே ஓடிடப் பாடினேன்
இயற்கை வளமும் செழித்து பசுமையாகப் பாடினேன்
இயலாதோர் வாழ்வில் ஒளி சேர்க்கப் பாடினேன்
நல்லதோர் தலைவர் ஊருக்கு ஒன்றெனப் பாடினேன்
நல்லாட்சி என்றுமே நன்மைகள் நல்கிடப் பாடினேன்
காதலர் யாவரும் கைகோர்த்து வாழ்ந்திடப் பாடினேன்
காவலர் கயவரைக் களைந்து ஒழித்திடப் பாடினேன்
இத்தனை பாடினேன் இன்னமும் பாடியே நின்றேன்
பித்தனாய் நானும் பிறை சூடியவனைப் பாடினேன்
சொல்வீரா இப்போது சுயநலம் எங்கே பாடினேன்
சொல்லாலே பதில் தந்தேன் பொருளில் குற்றமுண்டா ?
கருத்துகள் இல்லை:
கருத்துரையிடுக