தேடி நிதம் நல்மனதை நாடி நின்றேன்
பாடிய பாரதி மீசை தனைக் கண்ணுற்றேன்
வாடிய முகம் இன்னமும் ஊரெங்கும் பார்வையுற்றேன்
வாதம் தினமும் வஞ்சனை எங்கும் இன்னமும்
கனவுகள் மெய்ப் பட எத்தனை காலம்
சாதியப் பேய்கள் சூழ்ச்சி வலைகள் எங்கும்
பாரதிகள் ஒன்றல்ல பலரும் வேண்டும் போன்றே
ஏட்டினில் பேச்சினில் பாட்டினில் மட்டுமே போதுமோ
சமுதாய மாற்றம் நிகழ யுகம் வேண்டுமோ
மனித மனங்கள் மாறுதல் சாத்தியம் இல்லையோ
அவன் கண்ட கனவுகள் நினைவுகள் ஆகுமோ
வினாக்கள் தொடர்கதை விடைகள் தேடியே விடியல் தினமும்
கருத்துகள் இல்லை:
கருத்துரையிடுக