தொடரும் கதை

 எங்கிருந்தாலும் வாழ்க ஏற்புடை வாழ்வாங்கு வாழீ

என்ன தவம் செய்தேனோ என்றாள் ஏந்திழை

தொலைதூரம் சென்றாள் சோர்வுற்றாள் துவண்டாள் துடித்தாள்

கலையாத காதலுக்கு முடிவேது மூப்பிலும் மறையாது

முதல் காதல் முடியாது போனாலும் பசுமை

சாதல் வழியல்ல சாகாத நினைவுகள் நிரந்தரம்

போகாத ஊருக்கு வழி தேடும் பருவம்

போகட்டும் விட்டு விடு வாழக் கற்கட்டும்

இன்று நேற்றல்ல என்றும் தொடரும் கதைதானே

தொன்று தொட்டு காவியங்கள் பலவின் கருதானே

எல்லைகள் கடந்த இன்ப வேதனை என்றாலும்

எனக்கும் உண்டு உனக்கும் உண்டு எழுதிடவே