கிராமத்துக்குப் போறேண்டா பேராண்டி நாளைக்கு
கிரயம் போடணுமாம் காணி நிலமாம்
உழுறதுக்கு காளை இரண்டும் வேணும்
உரம்போட பச்சை தழைங்க வேணும்
நாத்து நடவு நாளைக்கே நடக்கணும்
கிழங்கு தோட்டத்துலே தண்ணி பாச்சணும்
கிழவனுக்கு உதவ வாடா பேராண்டி
கத்தரிக்கா காச்சுருக்கு பறிக்கணும் சந்தைக்கு
கால்வயிறு கஞ்சிக்கு காசு சேக்கணும்டா
மிளகா பழுக்குது கூடையிலே பறிச்சுப்போடு
இளசா இளநீ ஒண்ணு வெட்டித்தா
கஞ்சியோ கூழோ ஆத்தா கொண்டாருவா
மிஞ்சிய சோத்த தண்ணி ஊத்திவை
நாளைக்குக் காலையிலே நீராகாரம் ஆகும்
மாட்டுக்குத் தீனி மறக்காம வச்சுப்புடு
காட்டுக்கு அக்கா போறாளா இன்னைக்கு
அடுப்பெரிக்க விறகு அவதான் கொண்டாரணும்
அம்மாவ சும்மாடு தலைலே வைக்கச்சொல்
ஏரிக்கரை போயி குளிச்சுட்டு வாரேன்
ஏத்தம் இறைச்சா நீயும் குளிச்சுக்க
பள்ளிக் கூடம் போகணுமோ நாளைக்கு
படிச்சுக்க நல்லா படியளக்கும் உனக்கு
காயுற வெய்யிலுலே கருப்பாச்சு உன்தோலு
மேயுற மாட்ட கொட்டடிலே கட்டு
வானம் கருக்குது மழை வரும்போல
வாசம் வருது மண்ணு கலந்து
சோளக் கதிருவிட ஆரம்பிச்சு நாளாச்சு
சோக்காளி மாமன் எங்கே போனானோ
கலக்கல் குடிச்சே வயிறு புண்ணாச்சு
கடிஞ்சாலும் திருந்தலியே பாவி மாமன்
பொழுது சாஞ்சாலே பொல்லாத பேச்சு
கழுதை தேஞ்சு கட்டெறும்பா ஆச்சு
கருத்துகள் இல்லை:
கருத்துரையிடுக