நடிகரைத் திரையில் கண்டு கொண்டாடு
நகைத்து ரசித்து சிரித்து மகிழ்
வெறி கொண்ட மனிதனாய் ஏனோ
தறி கட்டுத் திரியாதே இளைஞா
காசுக்காய் அவனும் மகிழ்வுக்காய் நீயும்
கடவுள் அவனில்லை கற்பூரம் ஏற்ற
கடந்து போகும் இவை யாவும்
உயிர் கொடுக்க உன்னதங்கள் உண்டு
மயிர் நீங்க கவரிமான் இறக்கும்
வாழக் கற்றுக் கொள் நண்பா
வாடிப் போனது உனது குடும்பம்
வருவாயா மீண்டும் உயிரோடு சொல்
திரையில் மாய பிம்பம் மட்டுமே
விரைவில் திருந்து விடியல் வரும்
சாதிக்க பலவுண்டு சரித்திரம் படை
பித்தம் தெளிந்து தரைமீது நட
நித்தம் வரும் போகும் சினிமா
நின்னுயிர் போனது திரும்ப வருமா ?
கருத்துகள் இல்லை:
கருத்துரையிடுக