முடிந்த நாடகம்

 நிரந்தரம் எதுவும் உண்டோ உலகில்

நினைத்துப் பார்ப்பின் உண்மை உரைக்கும்

இன்றிருக்கும் ஒன்று நாளை இல்லை

இருப்பதும் போவதும் இறைவன் கணக்கு

கண்ணில் மறைந்து கருத்திலும் மறையும்

விண்ணில் தோன்றும் தாரகை கணக்காய்

தோன்றிடும் வாழும் மறையும் ஒருநாள்

தோல்வியோ வெற்றியோ ஓட்டம் முடியும்

சேர்த்த பொருளும் சொந்தமும் மறையும்

சேர்வது எங்கே கேள்விகள் என்றும்

நரகமோ சொர்க்கமோ விதிப்பலன் என்பர்

நடிப்பு முடிந்த நாடகம் போலவே

வேடம் கலைத்து இருப்பிடம் சேர்வர்

வேதனை மறைய காலமும் உருளும்