போதிமரம்

வா நண்பா கால்நடையாக காடுமேடு செல்லலாம்
வாதங்கள் வளமானவை தான் வாசலில் விட்டு. விடு
வேதங்கள் யாவும் நல்லவை போதிக்கும் போதிமரம்
வேதனை கொள்ளாதே எதுவும் நமது சொந்தமில்லை
வந்தது பூமியில் வாழ்ந்து பார்க்கவே வசைபாடஅல்ல
வாழும் காலமதில் வறியவர்க்கு உதவு வன்மம் வேண்டாம்
நீயும் நானும் நிரந்தரமில்லை நீர்க் குமிழிகள்
நீண்ட பயணத்தில் யார்துணை இறுதி வரை அறியோம்
காலங்கள் விரையும் நம் கடமைகள் செய்வோம்
காழ்ப்பு கயமை கள்வம் கசடு நீக்குவோம்
மனதில் அமைதி மாசற்ற நினைவுகள் நிறையட்டும்
மறந்திடு மற்றவை மௌனம் பழகு தவநிலையாகும்
வாயேன் வானூர்தியேறி உலகம் சுற்றுவோம்
வாரம் வருடம் பாராமல் வகைவகையாய் உண்போம் !