கூடி வாழ்வதே மேதகு தத்துவம்

உழைப்பாளி தினமதில் உறுதி ஏற்போமா
ஊருக்கு ஒரு குளம் உருவாக்குவோமா
சிறு காடொன்றை விதைத்து சிறப்பிப்போமா
சிறார் கற்க சிறு பள்ளி யொன்று
கூட்டுறவாய் வங்கி மளிகை காய்கறி
கூடி வாழ்வதே மேதகு தத்துவம்
நல்லவர் ஒருவரை நாமே தேடுவோம்
அவரவர் மதம் அவரவர் இல்லத்தில்
வயல்கள் தோறும் ஊரின் உணவுப் பயிர்
ஒவ்வொரு ஊரும் உறுதி கொள்வோமெனில்
உழைப்பு கூட்டாட்சி ஊழலை ஒழிக்கும்
உலகமே வியக்கும் உயர்ந்திடும் நாடு