கொதிக்கும் கோடை

எரிந்தே சாம்பலாகி விடுவோமா
எங்கே போயின மேகக்கூட்டங்கள்
நெருப்பாய் கொதிக்கும் கோடையே
நெடுநாட்கள் நீமட்டும் வாழ்வதேன்
நீரைக் கொண்டுவரும் மழையெங்கே
நீவிலகிப் போய் நீராவி அனுப்பு
பாவங்கள் பெருகியதால் பழிதீர்க்காதே
பாவிமனிதன் திருந்திடுவான் விட்டுவிடு
மேற்கே பெய்யும் மழைமேகம்
கிழக்கேயும் சற்று வரட்டும்
நிலம் குளிரப் பெய்து
நிம்மதி தருவாய் இன்றே !