பூமித் தாய்

பூமித்தாயை வணங்கி உறுதிமேற் கொள்வோம்
புவிதன்னில் இனியேனும் இயற்கையை வாழவைப்போம்
காடுகள் அழித்த வளர்ச்சி தேவையில்லை
குளம் ஏரி ஆறுகள் மாளிகையாக தடைசெய்வோம்
மழைநீர் வீணாகப் போகாமல் தேக்கிவைப்போம்
மாசுநீரை நன்னீரில் கலப்பு அனுமதியோம்
தொழில்புரட்சி எனக்கூறி பசுமை அழிதல் ஒழிப்போம்
ஊர்தோறும் நீர்நிலைகள் மரங்கள் நடுவோம்
ஊரணி நீரை உணவுக்கு மட்டுமே உபயோகிப்போம்
மனதில் கொள்வோம் மனிதன் இல்லா வளர்ச்சி எதற்கு
நீரும் காற்றும் மாசுபட்டு மனிதன் மாய்ந்து போனபின்
சுடுகாட்டுப் பேய்களும் நரிகளுமே நாட்டையாளும்
சிந்தனை செய்மனமே சீர்தூக்கிப் பார்
நிந்தனை செய்த வாய்க்கு வாய்க்கரிசி கிட்டாது
நிறமில்லை மொழியில்லை நீயும் நானுமில்லை
பூமித்தாயே மக்களற்ற உன்வீட்டைக் காணஇயலுமா ?