மல்லிகை வாசம் மூக்கைத் துளைக்கும்
மஞ்சள் பூச்சு கைகளில் நிறக்கும்
கொலுசுச் சத்தம் தூரத்தே கேட்கும்
கொஞ்சும் குரலில் பேசும் பேச்சும்
தோழியர் கிண்டல் சிரிப்பாய் மாறும்
தோள்களில் பின்னல் ஊஞ்சல் ஆடும்
நடையின் அசைவே நாட்டியம் எனலாம்
கடைக்கண் பார்வை குறும்பாய் பார்க்கும்
காதலின் உணர்வு உதட்டினில் தோன்றும்
ஆதலால் உன்முகம் வெட்கம் பூக்கும்
நளினமாய் முகமும் தரையை நோக்கும்
நாடகம் ஒன்றே நடந்து முடியும்
கருத்துகள் இல்லை:
கருத்துரையிடுக