சாலையிலும் இரயில் பாதையிலும் நடப்பதைக் காணவே
சாகும் வரை நடத்துவோம் சத்திய சோதனை
யாருக்கு இந்நாடு யாரறிவார் சோற்றிற்கும் வழியில்லை
யாசகம் ஒன்றேதான் வழியோ சூசகமாய்ச் சொன்னீரோ
தனியொருவனுக்கு உணவில்லையெனில் சகத்தினை அழித்திடுவோமா சொல்வீரே
தலைவரெலாம் நல்லவராய் மாறுதற்கு வழியேதும் உண்டோ
உயரப் பறக்காமல் தரைமீது தத்தளிக்கும் உயிர்பாரீர்
உழைப்பவர் இல்லாமல் உயர்ந்திடுமோ இந்நாடு இயம்பிடுவீர்
இல்லாமை இல்லாத நிலைவேண்டும் என்றானே கவிஞன்
இப்போது இல்லாமல் எப்போது நடக்குமது தெரியலியே
கோடிகள் கேடிகளிடம் கேட்பதற்கும் இயலாத நிலையிங்கே
கோமாளிகளாய் மாறிநின்ற மக்களுக்கு தினமொரு நாடகக்காட்சி
கருத்துகள் இல்லை:
கருத்துரையிடுக