உழைப்பாளிகள் தினம் புதுமையாய் இவ்வாண்டு
உடலுக்கு ஓய்வு உலகுக்கே ஓய்வு
அனைத்தும் இயக்கம் மறந்து அமைதியாய்
அவரவர் இல்லங்களில் குடும்ப உறவுடன்
கட்டாய விடுப்பு கால்கடுக்க ஓட்டமில்லை
பாட்டாளி மட்டும் பசியில் சிலநாட்கள்
தொட்டாலே ஒட்டிக் கொள்ளும் ஒருகிருமி
வயது வறுமை வளமை பாராமல்
வந்தது வதைத்தது வாழ்வைச் சிதைத்தது
எப்போது விலகிப் போகுமென்று எவருமறியார்
எல்லைகள் கடந்து தாண்டவம் ஆடுதிங்கு
நான்கு சுவர்களுக்குள் நாட்கள் மாறியது
என்றோ எமக்கு விடுதலை சொல்வாயா
உழைக்கும் கரங்களுக்கு ஓய்வு போதும்
பிழைப்பே அவருக்கு உழைப்பில் தானே
விலகிச் சென்றிடு இயக்கம் தொடரட்டும்
உலகச் சக்கரம் சுழலட்டும் விரைவில் !
கருத்துகள் இல்லை:
கருத்துரையிடுக