இருநூறு ஆண்டுகள் முன்பு பள்ளியாய் இருந்து
கருவினிலே உருவான குழந்தை போலே
வளர்ந்து பெரிதாகி விழுதுகள் ஊன்றி
வண்ணக் கனவுகள் சுமக்கும் மாணவரை
பொறியாளராய் அறிஞராய் விற்பன்னராய் படைப்பாளியாய்
நெறிகாட்டி வழிநடத்தி மெருகேற்றும் ஆலயமாய்
உயர்ந்து நிற்கும் செவ்வண்ண மாளிகையாய்
உலகத்து நாடுகளில் கால்பதித்த பலதுறையினரும்
உருவான கல்லூரி என்ற பெருமையுண்டு
மரங்களோடும் மான்களோடும் இயற்கை எழிலுமுண்டு
எத்துறையிலும் சிறந்த கல்வியும் உண்டு
கட்டிடம் இயந்திரம் மின்னணு கணிதம்
கணிப்பொறி உற்பத்தி நிர்வாகம் பலதுறைகள்
ஒன்று பன்மடங்காய் ஓங்கி வளர்ந்தின்று
சென்னை என்றாலே கிண்டி பொறியியல் கல்லூரி தொன்மை நகரத்து பொறியியல் கல்லூரியாம்
தொழில் உலகில் மகுடம் சூட்டி
இருநூறு கடந்தும் இளமை கோலோச்சி
பருவ மாற்றம் பல்வகைக் கல்வியில்
முகப்புத் தோற்றம் பார்ப்போர்க்கு அழகு
முகவரி உனக்கு உலகம் தோறும்
ஆலமர விழுதாய் அறிஞர் பலரும்
ஆண்டுகள் தோறும் கருவில் தோன்றுவர்
பாறைகள் இங்கே உளிபட்டு சிலைகளாய்
பாசறை இதுவே பாரதம் ஓங்கிட
வீடுகள் முதலாய் விண்கலன் வரையில்
கோடுகள் உருப்பெற்று கோள்களைச் சேரும்
நாடுகள் தோறும் உனது புகழை
கொண்டு சேர்த்திடும் நண்பரோ பல்லாயிரம்
இருநூற்று இருபத்தைந்து சாதனை பெரிது
பெருமகன் கலாமைப் போன்ற அறிஞர்
பணியாற்றிய வளாகம் எமது கல்விக்கோயில்
பலநூறு ஆண்டுகள் புகழோடு உயர்ந்திடும்
இன்று 225 CEG genesis day celebration video conference ல் வாசிக்கப்பட்டது
கருத்துகள் இல்லை:
கருத்துரையிடுக