கவி பாட எவை வேண்டும் இறைவா
புவி வாழ யார் உதவி செய்வார்
இசையோடு தாளங்கள் சேர
இனிதான பாடலும் வருமா
அலையோசை நாதமாய் மாறுமா
கலைவாணி கவிதையைத் தருவளோ
எனையாளும் இறையே எங்கே
புனைகின்ற பாடலில் புகுந்திடு
பண்பாடும் பக்தியும் முறையோ
கண்மூடி உனைநாடல் சரியோ
வேதங்கள் செய்தவர் எவரோ
பேதங்கள் போக்குதல் தவறோ
ஏனிந்த வேற்றுமை எதிலும்
மானிடர் இனமே ஒன்றே
காலங்கள் மாற்றிடும் இதனை
ஓலங்கள் ஓய்ந்திடும் அந்நாளில் !
கருத்துகள் இல்லை:
கருத்துரையிடுக