உலகில் மனிதர்கள் அதிசயப் பிறவிகள்
பலவும் கற்றும் பண்பினை மறப்பர்
ஏளனம் செய்தே நாட்களை ஓட்டுவர்
ஏனிந்த விளையாட்டு அவரே அறியார்
குரங்காய் சிலகாலம் மரங்களில் தாவுவர்
குயிலாய் எண்ணி குரல்வளம் தேடுவர்
புலியாய் உறுமி புல்லைத் தின்பர்
எலியாய் வலையில் ஒளிந்து பார்ப்பர்
பாம்பின் நஞ்சும் பேச்சினில் கொள்வர்
பாம்பாட்டி மகுடிக்கு மயங்கி ஆடுவர்
பச்சோந்தி சிலரோ வண்ணம் மாறுவர்
பசுங்கிளி சிலரும் சொல்வதைச் செய்வர்
சிங்கமும் சிலநேரம் சிந்தனை வயப்படும்
சிறுநரி வார்த்தையில் தந்திரம் தெரியும்
விந்தைகள் நிறைந்தவன் மனிதன் மட்டுமே
மந்தையில் ஆடுகள் மேய்வது போலவே !
கருத்துகள் இல்லை:
கருத்துரையிடுக