மனிதம் செத்து விட்டது சொல்லவைத்தீரே
மானிடப் பதரே தவறிப் பிறந்தீரோ
தன்னுயிர் ஈந்த மருத்துவன் இறைவன்
தன்னலம் பாராமல் இரவும் பகலுமாய்
எத்தனை உயிர்களைக் காத்து இருப்பான்
எவராயினும் பிணமே நீவிர் சாவதேமேல்
கரோனா உங்களைத் தழுவி நலிவுற்று
கடைசியில் அனாதைப் பிணங்களாய் ஆவீர்
நீவிர் இந்த மண்ணின் மைந்தரல்ல
நீச்சர்களே ஒழிந்து போய் விடுங்கள்
இந்த மண்ணுக்குக் களங்கம் உம்மால்
மனித மிருகங்களே மன்னிப்பே இல்லை
கருத்துகள் இல்லை:
கருத்துரையிடுக