நான் மனிதன் மாறவில்லை இன்றும்
ஏன் என்று கேட்பாய் சொல்வேன்
அரசியல் மாற்றம் போன்றே நானும்
ஆசையில் எதையும் செய்வதே எனதுசெயல்
ஊழல் ஊழல் எனக் கதறுவேன்
பாழாய்ப் போன பணம் வேண்டும்
பாங்காக வாங்கி வாக்குச் சீட்டில்
ஏய்ப்பவன் எத்தனுக்கு முத்திரை குத்துவேன்
முகத்திரை கிழிப்பதாய் மேடையில் கத்துவேன்
முட்டாளாய் அவனோடு கூட்டாளி ஆவேன்
கொள்கையில் எனை மிஞ்ச எவருமிலை
கொள்ளை அடிப்பவனோடு கூட்டு வைப்பேன்
சமுதாய முன்னேற்றம் மக்கள் நலம்
சமச்சீர் கல்வி உழவர் நலன்
உதட்டினில் பேச ஆயிரம் வார்த்தைகள்
உண்மையென நினைத்திட ஆட்டு மந்தைகள்
மாற்றம் ஒன்றே மாறாதது என்பர்
மாறவே மாறாதது எம்நாட்டில் இதுவே !
கருத்துகள் இல்லை:
கருத்துரையிடுக