என்னைத்தான் என்னத்தான் எண்ணித்தான் வந்தானோ
எத்தனவன் சித்தமதில் பித்தம் கொண்டானோ
சொந்தமென பந்தம் வந்ததோ மனதில்
சொல்லாமல் கள்வனவன் பல்லிளித்து வருவானோ
ஏக்கமது மனதுள்ளே சொக்க வைத்தானே
தூக்கமது எனைவிடுத்து துக்கமுறச் செய்தானே
பாக்கும் வெற்றிலையும் பரிசம்போட வருவானா
நோக்கும் திசையெங்கும் பார்ப்பது அவனுருவம்
பாவிமகன் பரிதவிக்க விட்டென்னை போனதெங்கே
பாசமகள் காத்திருக்கேன் பறந்தோடி வருவாயா ?
கருத்துகள் இல்லை:
கருத்துரையிடுக