மும்பாய் நகருக்குள் சுற்றுவதற்கு ஆட்டோக்களையே பயன்படுத்தியது எதனால் என அனைவருக்கும் தெரியும். மும்பாய் விட்டு சிற்றுண்டிக்குப் பின் கிளம்பி சூரத் நெடுஞ்சாலை அடைய நண்பகல் ஆகிவிட்டது.
GPRS மேப் நிறையவே பயன்பட ஆரம்பித்த காலம். கவனமாக இரு்க்கவேண்டும், சில நேரங்கள்ளே சுத்தி விட்டுடும். சூரத் அடைந்தபோது இருட்டி விட்டது. புக் செய்த ஓட்டலை அடைந்து அடையாள அட்டை காண்பித்து அறையிலேயே உணவு ஆர்டர் செய்து சாப்பிட்டு அன்றைய பொழுது முடிந்தது.
மறுநாள் புடவை மற்றும் சுடிதார் மெட்டீரியல் ஆர்டர் செய்ய முடிவு செய்து விடுதியினரிடம் விசாரித்து ஆட்டோவில் பயணித்து மொத்த வியாபார இடத்தை அடைந்து கடைகளில் நுழைந்தபோது தெரிந்தது, குவியல்களாகக் குவிக்கப் பட்ட புடவைகள் மேல் நடந்துதான் செல்ல வேண்டுமென்று.
குறைந்த விலையாய் நூற்றைம்பது ரூபாயிலுருந்து வகை வகையாய் சேலைகள் மற்றும் சுடிதார் துணிகள். சேலைகளும் சுடிதாரும் பல வகைகளில் தேர்வு செய்யப் பட்டு சுமார் ஒரு லட்சத்துக்கு மேலாக ஆர்டர் செய்து ஐம்பது விழுக்காடு அட்வான்ஸ் மீதம் துணிகள் டெஸ்பாட்ச் ஆவதற்கு முன்பும் எனப் பேசப் பட்டது. செலக்ட் பண்ணது ஒன்றும் அவன் அனுப்பியது வேறுமாய் வந்து சேர்ந்தபோதே தெரிந்தது. இது ஒரு வகையான மோசடியே.
மோடியின் குஜராத் பற்றி அதிகமாகப் பேசப்பட்ட நேரம். பல எதிர் பார்ப்புகளோட நகரத்தைப் பார்த்தபோது ஒன்றும் பெரிதாக மாற்றம் தெரியவில்லை, பேருந்துகளுக்கென்ற தனியான பாதைகள் மட்டுமே ஒரு மாற்றமாய்.
மறுநாள் காலையில் சூரத்திலிருந்து புறப்பட்டபோது மகாபலேஷ்வர் அடுத்த இலக்காய் முடிவானது. நெடுஞ்சாலையில் பயணித்து மும்பாய் நகருக்குள் நுழையாமல் சென்றாலும் லாரிகளின் அணிவகுப்பைக் கடந்து பூனாவைக் கடந்தபோதே போக்குவரத்து நெரிசல் குறையத் தொடங்கியது.
இப்போது மகாபலேஷ்வர் பிரியும் சாலையைக் கவனமாய்ப் பாரத்துக் கொண்டே சதாரா மலைக்குன்றுகளைக் கடந்த போதே மாலையாகிவிட்டது.
ஹைவேயில் பிரிந்து சுமார் நாற்பது கிமீ கடந்து மகாபலேஷ்வர் அடைந்த போது இரவு ஏழு மணியாகிவிட்டது.
சிறிய நகரமானாலும் நிறைய தங்கும் விடுதிகள். சுற்றுலாத்தளமென பார்த்தவுடன் தெரிந்தது. ஆனாலும் ஊட்டி, கொடைக்கானல் போல உயரமான இடத்தில் இல்லை. அறையில் சென்று சூடாகக் குளித்து இரவு உணவு முடித்து படுக்கையில் விழுந்தபோது இந்நகரம் எவ்வாறு இருக்கும் எனப் பார்க்கும் ஆவலோடு கண்ணுறக்கம் தழுவியது
(தொடரும்)
கருத்துகள் இல்லை:
கருத்துரையிடுக