அழகான தோப்புக்குள்ளே அஞ்சாறு தென்னமரம்
தென்னமர உச்சியில் இளநீரு காய்கள்
காய்கள பறிச்சு பாங்கா சீவித்தர
சீவிய இளநீரில் சில்லென்ற தெங்கின்நீர்
தெங்குநீர் இனிமை அன்றோ நண்பா
நண்பா நடைபயில போவோமா ஏரிக்கரை
ஏரிக்கரை மேலே போறவளே பெண்மயிலே
பெண்ணா அவள் தேவதையா சொல்லுமய்யா
சொல்வதை நல்லதாய் சொல்வீரா செவிகுளிர
செவிகுளிர சேதிஒண்ணு வருமா இவ்வேளை
இவ்வேளை பனிமூடி கடுங்குளிரா இருக்குதய்யா
இருக்குற குளிருக்கு இதமான சூடேற்ற
சூரியன் வருவானா சூல்மேகம் கலைப்பானா
கலையட்டும் இருள்போர்வை கதிரவன் வரவாலே
வரவைக் கட்டியம் கூறி புள்ளினங்க
புள்ளினப் பாட்டுக்கு புதுமெட்டு போடுவோமா ?
கருத்துகள் இல்லை:
கருத்துரையிடுக