ஊர்க்குருவி ஒண்ணு உலகெல்லாம் பறந்ததாம்
பேர்சொல்ல நல்லதா தகவல தேடுச்சாம்
யார்செஞ்ச பாவமோ தேறுனது எதுவுமில்லே
கழுதை தேஞ்சு கட்டெறும்பா ஆச்சுதோ
விழுது விட்ட ஆலமரம் பழுதாச்சோ
புரியாத புதிரா ஊரெங்கும் மாயவலை
எரிகின்ற நெருப்புலே எண்ணெய் ஊத்துனாப்போல
பரியேறிப் போனவன் பரதேசம் போய்விட்டான்
கரிநாக்கு சொன்னதுவோ சரியாத்தான் போச்சுதிப்போ
நரிக்கூட்டம் நாடெங்கும் நல்லமான் காணலியே
பழகித்தான் போச்சோ பாவிமக்கா பாழும்வாழ்வு
உழவுக்கும் தொழிலுக்கும் நிந்தனை செய்தோம்
பாதையும் தெரியாம பரிதவிச்சு தடுமாறி
பேதையா போனோமடா நல்லவழி எங்கேயடா ?
கருத்துகள் இல்லை:
கருத்துரையிடுக