தலை குனிய வைத்த குடிசை
கலை நயம் யாதும் இல்லை
மின் விளக்கும் வாராத காலம்
என் பெரிய அன்னை குடில்
கிழக்கு வாசல் மஞ்சம்புல் கூரை
வழக்கில் உண்டு சாணப் பூச்சு
தரை எங்கும் அறை இரண்டும்
வாசல் முச்சூடும் சாணத் தெளிப்பு
வாசனை உண்டு செம்மறி ஆடு
விடுமுறை நாட்கள் ஒவ்வொரு ஆண்டும்
வடுவாய் மனதில் பதிந்த இளமை
கண்ணே என்றழைத்து சூடாய் இட்லி
களியோடு சிலநாளும் கைக்குத்தல் அரிசிச்சோறு
வார்த்தையில் குளிரூட்டும் அன்பும் ஊட்டும்
வாராது போனநாட்கள் போனாளே அவளுமின்று
பெரியம்மா அழைப்பதற்கு அவளில்லை இன்று
பெரிதான இழப்பதுவே இறையடி சென்றடைந்தாள்
நாய்க்கனேரி கிராமத்து கடையான மூத்தஉறவு
வாய்க்குமா மறுவாழ்வில் அவளன்பின் அணைப்பு !
இறந்த நாள் .12/02/2021
கருத்துகள் இல்லை:
கருத்துரையிடுக