நல்லதோர் வீணை தேடி நாடெங்கும் பயணம்
நலிந்தோர் நலம் நாடி வீதியெங்கும் போராட்டம்
சொல்லும் பொய்களுக்கு அளவில்லா தலைமைப் புளுகர்கள்
வெல்லும் உண்மையென காத்திருக்கும் எங்கள் உள்ளம்
வஞ்சகம் தலை விரித்தாடும் அவலம் நாட்டிலே
கொஞ்சமும் வெட்கமின்றி உலா வரும் உன்மத்தர்
நெஞ்சு பொறுக்குதிலை நிலையற்ற சமுதாய நிலைகண்டு
அஞ்சிச் சாவதொன்றே வழியாமோ விடியல் இல்லாமல்
நல்லோர் உலகில் மறைந்து போயினரோ ஐயமுண்டு
வல்லூறு வட்டமிடும் வானில் வாழ்வே கேள்வியாய்
குவியும் செல்வமெலாம் ஓரிடத்தில் குற்றம் இதுவன்றோ
குடிகள் சோகமுற கும்மாளம் இவர் உலகில்
வேதனை மாறுமோ வேடிக்கை மனிதர் ஒழிவரோ
வேதாளம் ஆட்டத்தில் நாடிங்கே பாதாளம் நோக்கி !
கருத்துகள் இல்லை:
கருத்துரையிடுக