பண்பாளர் கடன்

 வார்த்தைகள் விளையாடும் வந்தொரு கவிநாளும்

வாதங்கள் தொடரும் வளமான தமிழதனில்

யாருக்கு வெற்றியென போராடும் குணமில்லை

ஊருக்கு நல்லதொன்று நடந்தாலே போதுமென்று

சேற்றிலே செந்தாமரை பூத்திடும் நாளுக்காய்

காற்றில் தூதுவிடும் கவிஞர் நாமெல்லாம்

சேருமென்று செவிகளில் நாளுக்கொன்றாய் நல்கவிதை

கருத்து சுமந்து இதயத்தைத் தொடுவதுண்டு

நெல்லுக்கு இறைத்த நீர் புல்லுக்கும்

கல்லான மனதுக்கும் சேருமென்ற நப்பாசை

செயல் செய்வது எம் கடன்

பயன் தருவது பண்பாளர் கடன்