மனிதனைப் படைத்தவன் இயற்கையோ இறையோ
மதங்களைப் படைத்தவன் இவனோ எவனோ
மனதினில் இன்பம் பெருகிடும் விழாக்கள்
மனிதம் நிறைந்த உள்ளங்கள் மகிழ்வில்
இயற்கையை வணங்க இணைகிற நாட்கள்
இல்லங்கள் தோறும் வண்ணக் கோலங்கள்
முன்னோர் பெரியோர் முழுமனது கொண்டோர்
முக்காலம் உணர்ந்தோர் ஐம்பூதங்கள் தொழுதோர்
நன்றி சொல்வதில் ஒற்றுமை கண்டார்
நல்லது எதிலும் நிறைதலை உணர்ந்தார்
கதிரவன் முதலாய் கதிர்கள் வரையிலும்
காளைகள் முதலாய் கன்றுகள் வரையிலும்
கருத்தினில் வைத்தார் கரும்போடு சேர்த்தார்
பருவம் தோறும் பல்வகை விழாக்கள்
தையென ஒன்றும் வந்திடும் நாளில்
தமிழர் திருநாளெனக் கொண்டாடி மகிழ்வார்
கருத்துகள் இல்லை:
கருத்துரையிடுக