நல்முத்துக்கள் காணற்கரியவை கிளிஞ்சல்கள் மணல்வெளியெங்கும்
சொல்வதொன்றும் செய்வதொன்றும் வாடிக்கையாய்ப் போயிற்று
விதைகள் தவறாய்ப் போனதால் விளைவதும் பதராயிற்று
கதைகள் பலவும் மயக்கும் வார்த்தைகளில்
நல்லது எங்கேயென தேடுதல் வேட்டையானது
பொல்லாதது ஆட்சிக் கட்டிலில் கபடநாடகம்
எங்கே போகிறோம் அறிவதே கடினமாய்
எங்கும் மாயவலைகள் மனிதர்கள் மயக்கத்தில்
மாறிடுமா இந்நிலை வளமுறுமா வாழ்க்கை
கூறுவதற்கு யாருண்டு குழப்பம் மனதில்
கருத்துகள் இல்லை:
கருத்துரையிடுக