பொசுக்கிடு தீயவை

போகிப் பண்டிகை பழையன எரித்தலாம்
பொசுக்கிடு தீயவை யாவையும் தீயிலிட்டு
ஊழல் பெருச்சாளிகள் கொதிக்கும் கொப்பரையில்
ஊரை ஏமாற்றும் உன்மத்தருக்குத் தூக்கு
சாதிப் பேய்களுக்கு சம்மட்டி அடி
சாக்கடை அரசியல்வாதிக்கு சாட்டையடிகள்
பொய்வாக்கு பெருமுதலைகள் முதலைகள் உணவாய்
பெண்மானம் பறிப்பவர் பெரும்பாதாளக் குழியில்
காசுக்கு விலைபோகும் கயவருக்கும் கசையடி
ஏய்ப்பவர் எவரும் இல்லா உலகம்
வாய்த்திட வேண்டுமெனில் இதுவே வழியாம் !