என்ன எழுதுவேன்

என்ன எழுதுவேன் ஏதோ ஒன்றா
எதுகை மோனை வருமா எழுத்தில்
காதல் இயற்கை சமுதாயம் அறிவுரை
கற்பனைக்கு கடிவாளம் உண்டா இல்லையா
கருத்து சொல்லவா வேண்டாமா கேள்விகள்
வெறும் வார்த்தை ஜாலமா வேடிக்கையா
பொறுப்பாய் அழகுத் தமிழில் வடிவமைக்கவா
இத்தனை கேள்விகள் மனதில் இருந்திட
புத்தனை நினைக்க மன அமைதி கொள்ளும்
பாரதியை நினைக்க ரௌத்திரம் பெருகுமோ
கம்பனை நினைக்க காவியம் தோன்று்மோ
கண்ணனின் தாசன் நினைக்க பாடல் வருமோ
நினைத்துக் குழம்பி நித்திரை கலைய
நிதமொரு கவிதையாய் இதுவே இன்று !