பாட்டு வர மறுக்குதைய்யா

பாட்டு வர மறுக்குதைய்யா
பாடல் சொல்லத் தயங்குதய்யா
வறண்டு போச்சோ கற்பனையே
வளமான வார்த்தை தேடி
கூடுவிட்டுக் கூடுபாயும் சங்கதியோ
கூட்டிப் பார்க்க சொல் வரலே
பாடுபட்டு எழுத வந்தா
பாவியந்த சந்தம் எங்கே
கண்ணை மூடி கிட்டு
கவிதையை யோசிச்சு முடிச்சா
காத்தாடி நூல்போல அறுபடுது
கலைதான் வேணுமோ கருத்துரைக்க
கவிஞர் அவரேதான் அழகழகா
கற்கண்டா கவிதை தந்தார்
காலை ஒன்று மாலை ஒன்று
காய்ச்சலுக்கு மாத்திரை போல்
மருத்துவம் எனக்கும் பாரீர்
மடைதிறந்து கவிதை பாட !