கற்பனையாறு

கற்பனையாற்றில் கவிதைப் படகோட்ட
எண்ணத் துடுப்பை கையிலெடுத்தேன்
கடல் நீரா ஆற்று நீரா ஏரியா
துடுப்பின் விரைவு வெவ்வேறாய்
படகின் ஓட்டமும் பலவிதமாய்
கைகளின் வலிமை வேகமூட்டும்
காற்றின் திசைக்கு வழிசேர்க்கும்
நீரின் அலைகள் நிலைதடுமாற்றும்
முகமதில் குளிர்காற்று மோதும்
முத்து முத்தாய் நீர்த்திவலைகள் தெறிக்கும்
தொலைதூரப் பசுமை காட்சியாகும்
தொலைந்தே போகும் மனக்கவலை யாவும்
உலவிடும் போது உள்ளம் குதூகலிக்கும்
உற்சாகம் பொங்கும் குழந்தையாய் மாறும்
செடிகொடிகள் ஊடே வளைந்து செல்லும்
சேருமிடம் வந்து முற்றுப்புள்ளியாகும்!