நாளைய சமுதாயம்

கேள்விகள் பலவுண்டு பதில் சொல்ல ஆளில்லை
காசுக்குப் பணியாத கயவர்கள் இங்குண்டா
வாய் திறந்தால் பொய்யன்றி வேறுண்டா
வானத்து நட்சத்திரம் உன்வாசல் வருமா
கோடியில் புரண்டு குடிசையில் வாழ்வரோ
கோமாளி நீயாநானா கேட்டுப் பார்
ஓட்டுக்குக் கூட்டணி காலையும் தொடுமா
ஓயாத பகையும் ஒரேநாளில் ஓயுமா
பகை நாட்டில் ஓட்டிருந்தால் நாடே விலை போகும்
யாருக்கும் வெட்கமில்லை எதையும் உண்போம்
யாசகம் என்ன வஞ்சகமும் செய்வோம்
மக்களுக்கு அல்ல மகளுக்காக மகனுக்காக
மலைபோல சேர்த்து வைப்போம் மறுபிறவிக்கும்
சேற்றில் உழைக்குமவன் மண்ணோடு போகட்டும்
சேர்த்த சொத்தோடு சமாதிக்கு தங்கப்பேழை செய்
நாளைய சமுதாயம் சாக்கடை ஆகட்டும்
நாம் மட்டும் சந்தனக் கட்டிலிலே உறங்குவோம்!