என்றென்றும் புத்தாண்டு

புத்தாண்டு என்றாலே கொண்டாட்டம்
புதிய எண்ணங்கள் புகும்மனதில்
கசப்பை ஒதுக்கி கற்கண்டாய்
காதுக்கு இனிமையாய் வாழ்த்துகள்
கடல்கடந்து அன்பு வார்த்தை
கடிதில் சுமந்த அலைவரிசை
நல்வாழ்வு நற்சுகம் அமைதி
நன்றாக அமைய இறையருள்
ஒளிவெள்ளம் வாண வேடிக்கை
உலக வெளியெங்கும் உற்சாகம்
என்றென்றும் புத்தாண்டாய் இருந்திட ஆசை
எங்கும் அமைதி எதிரிகளில்லை