வந்திடும் மீண்டும் வாலிபம்

சிறு துளியாய் தோன்றி
சிறுகச் சிறுக பெருகி
நூறைக் கடந்து நின்று
பெருவெள்ளமாய் கண்முன்னே
மலைத்துப் போனேன் உண்மைதானா
நாளொன்றில் பல உள்ளங்கள்
நாம் படித்த கல்லூரி கால்பதிக்க
ஆர்வம் கொள்ள பல்கிப்பெருகியது
கடல்கடந்து தாய்மடி காண
கற்பித்த கோயில் கடவுளர் போல
அறுபது கடந்த இளைஞரணி
நாற்பது நிறைவை பிறந்த வீட்டில்
ஒன்றாய் கூடி ஒருசேர நின்று
மறவாத நாளாய் மாற்ற விழைந்தனர்
வாழ்க்கை ஏட்டில் வைரமாய் ஒளிர்விட
வாருங்கள் நண்பர்காள் கூடிமகிழ்வோம்
வந்திடும் மீண்டும் வாலிபம் அன்று !