காதல் அழியாதது

காதல் சாதி மதம் வயது கடந்தது
கற்பனை ஓவியம் காவியம் படைத்தது
வெற்றி தோல்வி விரக்தி கடந்தது
நேற்று இன்று நாளையும் தொடரும்
நேர்ந்திடும் சோதனை எதிர் கொள்ளும்
வீழ்ந்திடும் மீண்டும் எழும் போராடும்
வீரம் சிலநேரம் விளையாடி மகிழும்
கண் இல்லை என்பார் கருத்துண்டு
கண்ணிமை போல் காக்கச் சொல்லும்
தூரங்கள் துச்சமாகும் துணிவு பிறக்கும்
தூய்மைக் காதல் மட்டும் அரிதாகும்
தூக்கம் தவிர்க்கும் பித்தம் பிடிக்கும்
தூரிகை பேனா மை எல்லாமே ஆயுதம்
அழியாதது அரசனையும் விடாது தொடரும்
அகிலம் உளநாள் மட்டும் உடனிருக்கும் !